ភ្នំពេញ, ថ្ងៃទី១៤ ខែធ្នូ ឆ្នាំ២០២៣ ធនាគារសហគ្រាសធុនតូច និងមធ្យម កម្ពុជា បានរៀបចំកិច្ចប្រជុំស្តីអំពី «ផែនការអាជីវកម្ម សម្រាប់ឆ្នាំ២០២៤-២០២៦» នៅសណ្ឋាគាររ៉ូសវ៉ូដភ្នំពេញ ក្រោមអធិបតីភាព ឯកឧត្តមបណ្ឌិត ផាន់ ផល្លា រដ្ឋលេខាធិការក្រសួងសេដ្ឋកិច្ច និងហិរញ្ញវត្ថុ និងជាប្រធានក្រុមប្រឹក្សាភិបាល ព្រមទាំងមានការចូលរួមពីសមាជិក-សមាជិកាក្រុមប្រឹក្សាភិបាល អគ្គនាយក និងថ្នាក់គ្រប់គ្រងទាំងអស់នៃធនាគារ។
កិច្ចប្រជុំនេះត្រូវបានរៀបចំឡើងក្នុងគោលបំណងពិភាក្សាអំពីវឌ្ឍនភាព នៃការអនុវត្តការងារ និងការធ្វើបច្ចុប្បន្នភាពផែនការអាជីវកម្ម ក៏ដូចជាគោលនយោបាយដោះស្រាយបញ្ហាប្រឈមនានា ដើម្បីពង្រឹងប្រសិទ្ធភាព និងគុណភាពនៃប្រតិបត្តិការធនាគារឲ្យទទួលបាននូវប្រសិទ្ធភាពខ្ពស់។
