នារសៀល ថ្ងៃពុធ ទី១៥ ខែមីនា ឆ្នាំ២០២៣ ធនាគារ SME និងក្រុមហ៊ុន Advance Digital World Trade Co.,ltd. បានរៀបចំសិក្ខាសាលាស្តីពី “SME Access to Finance for Developing Global Market” ក្នុងគោលបំណងចែករំលែក និងចូលរួមចំណែកក្នុងការជម្រុញសហគ្រាសធុនតូច និងមធ្យម ទទួលបានឱកាសកាន់តែច្រើនក្នុងការគាំទ្រផ្នែកហិរញ្ញវត្ថុ សម្រាប់ពង្រីកសមត្ថភាពផលិតផលរបស់ខ្លួនឈានទៅបំពេញតម្រូវការទីផ្សារឱ្យកាន់តែទទួលបានជោគជ័យ ជាពិសេស ក្នងគោលបំណង (១) បង្កើនចំណេះដឹងដល់សហគ្រាសធុនតូច និងមធ្យម លើមធ្យោបាយស្វែងរកទីផ្សារអន្តរជាតិ និងទទួលបានឱកាសក្នុងការបញ្ជាទិញពីអន្តរជាតិបន្ថែមទៀត (២) បង្កើនចំណេះដឹងដល់ SME ក្នុងការទទួលបានហិរញ្ញប្បទាន (៣)បង្កើនការយល់ដឹងដល់ SME លើសេវាធានារ៉ាប់រងដឹកជញ្ជូនឆ្លងប្រទេស។
សិក្ខាសាលានេះ ទទួលបានការចូលរួមពីសំណាក់វាឃ្មិនកិត្តិយសរួមមាន ឧកញ៉ាបណ្ឌិត ឈិន កេន នាយកក្រុមហ៊ុន Advance Digital World Trade (ADWT), លោកបណ្ឌិត លឹម អូន អគ្គនាយក នៃធនាគារ SME, លោក នៀវ សុគន្ធ នាយកប្រតិបត្តិ ប្រតិបត្តិការ នៃធនាគារ SME, លោក ហុង ប៊ុនសេង អនុប្រធាននាយកដ្ឋានសហប្រតិបិត្តការណ៏អន្តរៈជាតិ ក្រសួងពាណិជ្ជកម្ម, លោក រ៉េត សូផារិទ្ធ នាយកប្រតិបត្តិ ក្រុមហ៊ុន អេលីត អ៊ិនសួរិសន៏ ប្រូឃើរ (ខេមបូឌា) ម.ក និងមានការចូលរួមពីសំណាក់ម្ចាស់សហគ្រាសធុនតូច និងមធ្យមជាច្រើនជាង ៣០សហគ្រាស។
