នាព្រឹកថ្ងៃទី២៨ ខែកុម្ភៈ ឆ្នាំ២០២៣ថ្មីៗនេះ គណៈគ្រប់គ្រងរបស់ធនាគារ SME ដែលដឹកនាំដោយ លោកបណ្ឌិត លឹម អូន អគ្គនាយកធនាគារ SME បានទទួលស្វាគមន៍ គណៈប្រតិភូក្រសួងឧស្សាហកម្ម និងពាណិជ្ជកម្មនៃប្រទេសឡាវ ក្នុងដំណើរទស្សនកិច្ចមកកម្ពុជា ដើម្បីស្វែងយល់អំពីដំណើរការនៃ គម្រោងធានាឥណទានកម្ពុជា ក្នុងគោលបំណងបន្ដរៀបចំគម្រោងធានាឥណទាននៅប្រទេសឡាវ ដើម្បីគាំទ្រសហគ្រាសធនតូច និងមធ្យម។
ក្នុងជំនួបទស្សនកិច្ចដ៏មានសារៈសំខាន់នេះ ធនាគារ SME មានកិត្តិយសក្នុងការចែករំលែកបទពិសោធន៍ល្អៗ និងភាពជោគជ័យនៃគម្រោងធានាឥណទានដល់សហគ្រាសធុនតូច និងមធ្យមកម្ពុជារបស់ខ្លួន ដល់គណៈប្រតិភូក្រសួងឧស្សាហកម្ម និងពាណិជ្ជកម្មនៃប្រទេសឡាវ ដើម្បីអភិវឌ្ឍប្រព័ន្ធធានាឥណទានសម្រាប់សហគ្រាសធុនតូច និងមធ្យម នៅប្រទេសឡាវ។
