ធនាគារ SME មានកិត្តិយសដែលបានចូលរួមឧបត្ថម្ភក្នុង សន្និបាតបូកសរុបលទ្ធផលការងារប្រចាំឆ្នាំ២០២២ និងលើកទិសដៅការងារឆ្នាំ២០២៣ របស់សម្ព័ន្ធសមាគមសហគ្រាសធុនតូច និងមធ្យមកម្ពុជា (FASMEC) ដែលបានប្រារព្ធឡើងនៅសណ្ឋាគារ ភ្នំពេញ ក្រោមអធិបតីភាពដ៏ខ្ពង់ខ្ពស់របស់ ឯកឧត្តមកិត្តិសេដ្ឋាបណ្ឌិត ចម ប្រសិទ្ធ ទេសរដ្ឋមន្ត្រី រដ្ឋមន្រ្តីក្រសួងឧស្សាហកម្ម វិទ្យាសាស្រ្ត បច្ចេកវិទ្យា និងនវានុវត្តន៍ និងមានការចូលរួមពីប្រធានមន្ទីរ តំណាងប្រធានមន្ទីរ ឧស្សាហកម្ម វិទ្យាសាស្រ្ត បច្ចេកវិទ្យា និងនវានុវត្តន៍ទាំង ២៥រាជធានី-ខេត្តក្រុង ក្រុមប្រឹក្សាភិបាល ប្រធានសាខាទាំង ២៥រាជធានី-ខេត្តក្រុង។
ក្នុងពិធីសន្និបាតនេះផងដែរ ធនាគារ SME តំណាងដោយ លោក នៀវ សុគន្ធ នាយកប្រតិបត្តិប្រតិបត្តិការ ក៏បានចូលរួមជាវាឃ្មិនកិត្តិយស ក្នុងការបង្ហាញពីសេវាហិរញ្ញប្បទានរបស់ធនាគារ និងអត្ថប្រយោជន៍នៃការទទួលបានហិរញ្ញប្បទានដើម្បីជួយគាំទ្រភាពរីកចម្រើននៃសហគ្រាសធុនតូច និងមធ្យមនៅកម្ពុជា។
