ធនាគារ SME សហការជាមួយក្រសួងហិរញ្ញវត្ថុជប៉ុន រៀបចំសិក្ខាសាលាស្តីពី “ការវិភាគ និងការគ្រប់គ្រងឥណទាន”

កញ្ញា 5, 2023

ធនាគារ SME សហការជាមួយក្រសួងហិរញ្ញវត្ថុជប៉ុន រៀបចំសិក្ខាសាលាស្តីពី “ការវិភាគ និងការគ្រប់គ្រងឥណទាន”

នាថ្ងៃទី២១ និង២២ ខែមិថុនា ឆ្នាំ២០២៣ ធនាគារសហគ្រាសធុនតូច និងមធ្យម កម្ពុជា (SME Bank) សហការជាមួយ វិទ្យាស្ថានស្រាវជ្រាវគោលនយោបាយ (PRI) នៃក្រសួងហិរញ្ញវត្ថុជប៉ុន, សាជីវកម្មហិរញ្ញវត្ថុជប៉ុន និងអង្គភាពអាជីវកម្មខ្នាតតូច (JFC-Micro) បានរៀបចំសិក្ខាសាលាស្តីពី “ការវិភាគ និងការគ្រប់គ្រងឥណទាន” ដើម្បីចែករំលែកនូវបទពិសោធន៍ វិធីសាស្រ្ត និងនីតិវិធីដែលបានអនុវត្តយ៉ាងជោគជ័យនៅប្រទេសជប៉ុន ដល់គណៈគ្រប់គ្រង នាយកសាខា បុគ្គលផ្នែកវិភាគឥណទាន និងបុគ្គលិកផ្នែកទំនាក់ទំនងអតិថិជន សរុបប្រមាណ ៣០ នាក់។

សិក្ខាសាលានេះបានប្រារព្ធឡើងនៅការិយាល័យកណ្តាល នៃ SME Bank ដោយមានការអញ្ជើញចូលរួមពី លោកបណ្ឌិត លឹម អូន អគ្គនាយក នៃ SME Bank, លោក Kazuhide ISHIWAKA, Director of the International Cooperation Division នៃ PRI និងលោក Nobuyo HIRATA, Director of International Cooperation នៃ JFC-Micro ព្រមទាំងសហការី។ ការរៀបចំនេះ គឺជាផ្នែកមួយនៃការអនុវត្តកិច្ចសហប្រតិបត្តិការ រវាងក្រសួងសេដ្ឋកិច្ច និងហិរញ្ញវត្ថុ នៃព្រះរាជាណាចក្រកម្ពុជា និង PRI នៃក្រសួងហិរញ្ញវត្ថុជប៉ុន រួមជាមួយ SME Bank និង JFC-Micro ដែលបានចុះហត្ថលេខាសហការគ្នាកាលពីថ្ងៃទី០៧ ខែមិថុនា ឆ្នាំ២០២៣៕

បន្ថែម

ទស្សនៈកិច្ចសិក្សាស្វែងយល់អំពីគម្រោងហិរញ្ញប្បទានរបស់ធនាគារ SME ពីគណៈប្រតិភូនៃប្រទេសឡាវ

នាព្រឹក ថ្ងៃទី៦ ខែមេសា ឆ្នាំ២០២៣ គណៈគ្រប់គ្រងនៃធនាគារ SME ដឹកនាំដោយ លោកបណ្ឌិត លឹម អូន ជាអគ្គនាយក បានទទួលស្វាគមន៍គណៈប្រតិភូទាំង ១៦រូប ពីធនាគារកណ្តាល នៃប្រទេសឡាវ, ថ្នាក់ដឹកនាំនៃគម្រោង Lao Access to Finance Fund (LAFF),...

ធនាគារសហគ្រាសធុនតូច និងមធ្យម កម្ពុជា បានរៀបចំកិច្ចប្រជុំប្រចាំឆ្នាំ២០២៤ ក្រោមប្រធានបទ «Grow Strong, Grow Right»

សៀមរាប, នាព្រឹកថ្ងៃសៅរ៍ ទី២៤ ខែកុម្ភៈ ឆ្នាំ២០២៤ ធនាគារសហគ្រាសធុនតូច និងមធ្យម កម្ពុជា បានរៀបចំកិច្ចប្រជុំប្រចាំឆ្នាំ២០២៤ (Annual General Meeting 2024) ក្រោមប្រធានបទ «Grow Strong, Grow Right» នៅសណ្ឋាគារសុខាសៀមរាប ក្រោមអធិបតីភាពរបស់ ឯកឧត្តមបណ្ឌិត ផាន់ ផល្លា រដ្ឋលេខាធិការក្រសួងសេដ្ឋកិច្ច និងហិរញ្ញវត្ថុ និងជាប្រធានក្រុមប្រឹក្សាភិបាល នៃធនាគារសហគ្រាសធុនតូច និងមធ្យម កម្ពុជា